ហាងលក់​មាស​នៅ​វៀតណាម Karalux ថ្មីៗ​នេះ​បាន​ជ្រើសរើស​ស្មាតហ្វូន​ក្រុមហ៊ុន BlackBerry ម៉ូដែល Porsche Design P’9983 ដែល​ដំណើរការ​ដោយ BlackBerry OS 10.3 ចេញ​កាលពី​ឆ្នាំ​មុន មក​រចនា​ស្រោប​ដោយ​មាស​បង្កើន​សោភ័ណ​ភាព​បន្ថែម។ បន្ទាប់ពី​ស្រោប​មាស តម្លៃ​ទូរស័ព្ទ​របស់​ក្រុមហ៊ុន​កាណាដា​នេះ​មាន​តម្លៃ ២៤៤០ដុល្លារ​អាមេរិក។

ប្រសិន​អ្នក​នៅ​តែ​ចូលចិត្ត​ប្រើ​ប្រព័ន្ធ​ប្រតិបត្តិការ​របស់​ក្រុមហ៊ុន ​ទូរស័ព្ទ​កាណាដា​នេះ នោះ​អ្នក​ប្រហែល​នឹង​ត្រូវ​ចិត្ត​ជាមួយ​រូបរាង​ស៊ីវិល័យ​ក្រោយ​ស្រោប​មាស​ យ៉ាង​ពិសេស​ដូច​ច្នេះ។ អ្នក​អាច​ទិញ​ទូរស័ព្ទ P’9983 មាស​ពី​ហាង Karalux ​ក្នុង​តម្លៃ ៥៥លាន​ដុង (គិត​ជា​ដុល្លារ​ប្រហែល ២៤៤០ដុល្លារ​អាមេរិក) តែ​សម្រាប់​ប្រជាជន​វៀតណាម​នឹង​លក់​ក្នុង​តម្លៃ​ធូរ​ជាង​នេះ គឺ​ត្រឹមតែ ៥០លាន​ដុង (ប្រហែល ២២១៩ដុល្លារ​អាមេរិក) នោះ​នឹង​ទទួល​បាន​ស្មាតហ្វូន​ស្រោប​ដោយ​មាស 24k នេះ។

P’ 9983 ជា​ទូរស័ព្ទ touchscreen ភ្ជាប់​អេក្រង់ ៣,‌១អ៊ីញ​កម្រិត 720×720 បំពាក់​ឈីប​អង្គ​ចងចាំ Qualcomm Snapdragon S4 Pro ល្បឿន 1.5GH ប្រភេទ dual-core CPU, RAM 2GB, អង្គ​ចងចាំ 64GB និង​អាច​បន្ថែម​មេម៉ូរី​បាន, មាន​កាមេរ៉ា 8MP និង​កាមេរ៉ា​មុខ 2MP ថត​ selfie បាន​ស្អាត អម​ដោយ​កម្រិត​ថាមពល​ថ្ម 2100mAh៕

ប្រភព ៖ gsmarena , bizkhmer